8013 / 9133
Predigt 56
Um auch ein Beispiel einer ganzen Predigt Eckeharts zu geben,
setzen wir die bei Pfeiffer 56
te
ungekürzt hieher.
Nolite timere eos, qui corpus occidunt, animam autem occidere
non possunt (Matth. X, 28). ,Fürhtent niht die iuch toten wellent
an dem übe, wan die sêle enmügent sie niht toeten'; wan geist
entoetet niht geist. Geist gît geiste leben. Die iuch toeten wellent
daz ist bluot unde fleisch, unde daz stirbet mit einander. Daz edelste,
daz an dem menschen ist, daz ist bluot, sô es wol wil. Aber daz
ergeste, daz an dem menschen ist, daz ist bluot, sô ez übel wil. Ge-
siget daz bluot dem fleische an, so ist der mensche dêmüetic, ge-
dultic unde kiusche unde hât an ime alle tugent. Gesiget aber daz
fleisch dem bluote an, sô wirt der mensche hôchvertic, zornic und
unkiusche unde hât alle untugent an ime. Hie ist gelobet sant Jo-
hannes, den got selbe gelobet hat.
Nû merkent, ich wil nû sprechen daz ich nie mê gesprach. Dô
got himel, erde und alle crêatûren geschuof, dô worhte got niht;
ern hâte niht ze würkenne, in ime was ouch kein werc. Dô sprach
got ,wir machen einen glîchen.' Schepfen ist ein lîht dinc: daz tuot
man swenne und swie man wil. Aber daz ich mache, daz mache ich
selbe mit mir selben und in mir selben unde drücke mîn bilde
zemâle dar in. ,Wir machen einen glîchen': niht du vater noch du
sun noch dû heiligeist, mêr: wir in dem rate der heiligen drîvaltikeit
wir machen einen glîchen.
Do got den menschen gemahte, dô worhte er in der sêle sîn glîch
werc, sîn wirkende unde sîn iemer werendez werc. Daz werc was
sô grôz, daz ez anders niht enwas dan diu sêle: diu was daz werc
gotes. Gotes nâtûre, sîn wesen unde sîn gotheit hanget dar an, daz
er muoz wirken in der sêle. Got segen, got segen! dô got würket in
der sêle, dô minnet er sîn werc. Daz werc ist diu minne unde diu
minne ist got. Got minnet sich selben unde sîn nâtûre, sîn wesen
unde sîn gotheit. In der minne, da sich got minnet, dâ inne minnet
er alle crêatûren. Mit der minne, da sich got minnet, dâ mite minnet